كتب عضو المكتب السياسي لتيار المستقبل الدكتور سامر حداره عبر صفحته على الفيسبوك قائلاً : دولة الرئيس الشهيد رفيق الحريري
اليوم بعيد ميلادك بدّي خبرك
انك كنت امل لبنان وامل شبابه انهم يرجعوا ويبقوا ببلدهم ويساهموا ببناء ووطنهم
حلمنا كشباب انو الكفاءة بتكبر وبتوصل وبتطور بلدها
آمنا بمشروعك ونهجك لبناء وطن منعيش فيه بكرامة
لما انتسبنا لمشروعك كنّا كلنا فخر انو لح نكون جزء من تاريخ بناء لبنان الحديث
دولة الرئيس
بيروت تفجر مرفأها وانجرحت جرح كبير
وسط بيروت عّم جربوا كل يوم يغتالوا الحياة فيه
شباب لبنان هاجروا او عّم يسعوا للهجرة
الامل عند الشباب تحول لاحباط
بس نحنا بعدنا صامدين عّم نجرب نكمل الحلم يلي حلمناه معك مع الرئيس سعد الحريري
دولة الرئيس ينعاد عليك
